OS ARTISTAS EXPOÑEN NO MIGUELITO

O día anterior á celebración do trofeo varios membros do comité organizador así como uns cantos voluntarios suman os seus esforzos para situar nunha zona habilitada os debuxos que gañaron na fase anterior en cada colexio e que aquí son expostos e participan para conseguir un regalo/diploma. Clasifícanse por idades e responden todas elas a un formato ou lámina proporcionado pola organización .

EXPOSICIÓN

Nun dos laterais da porta de acceso de público ó Coliseum os visitantes atópanse toda a colección de debuxos que superaron a primeira fase do concurso. Moitos dos nenos poderán ver a súa propia lámina coloreada ou debuxada, segundo a súa idade, algo que lles produce unha tremenda satisfacción. Se ademais conseguen algún dos premios esta satisfacción do neno duplícase.