ACCESO e UBICACIÓN

A entrada ó recinto contrólase mediante a presentación dunha invitación que previamente se lle facilita aos nenos co seu saúda gratuítamente. Os nenos agardan nos graderíos sentados ben cos seus familiares ou co seu profesor o momento en que chega a súa quenda para participar.

CONCURSO DE DEBUXO

Os participantes, así como os seus acompañantes, teñen a opción de visitar a exposición do concurso de debuxo que se desenvolve paralelamente á celebración do trofeo de Judo. Os mellores reciben un diploma/regalo acreditativo do posto alcanzado en cada grupo de idades.

DIVERSIÓN

Nalgunhas edicións ofrecéronse aos nenos elementos de animación para tratar de facer que lles resulte o máis breve posible a espera, sobre todo aos máis pequenos. Non nos esquecemo de que o obxectivo principal é divertirse practicando Judo.

A HORA DA VERDADE

O esforzo dos participantes plasmase sobre o tatami ante os ollos ilusionados e en moitos casos sorprendidos dos seus familiares e amigos. Os xuíces observan con criterio e anotan na cartulina persoal as puntuaciones obtidas nas dúas saídas que realizan.